ഒരു സംഘം സ്പെഷ്യലിസ്റ്റുകള് നടത്തു തുടര്ച്ചായ വിവിധ പരിശോധനകളിലൂടെയാണ് പഠനവൈകല്യം കണ്ടെത്തുത്. താഴെപറയുന്ന വിദഗ്ധര്ക്ക് ഒരു കുട്ടിയിലെ പഠനവൈകല്യം കണ്ടെത്തുന്നതിനും അത് ചികിത്സിക്കുന്നതിനും ഒത്തൊരുമിച്ച് പ്രവര്ത്തിക്കാനാകും.
ശിശുനാഡീരോഗ ചികിത്സകന് (പീഡിയാട്രിക് ന്യൂറോളജിസ്റ്റ്) : കുട്ടിയുടെ മുന്കാല ചികിത്സക
ളുടെ ചരിത്രം വിശദമായി രേഖപ്പെടുത്തുകയും ഹൈപ്പോതൈറോഡിസം, അധികമായി ഈയം (ലെഡ്) ഉള്ളില് ചെന്നതുമൂലംദീര്ഘകകാലമായി തുടരുന്ന വിഷബാധ, സെറിബ്രല് പാള്സി, വില്സണ്സ് ഡിസീസ്, എഡിഎച്ച്ഡി തുടങ്ങിയ നാഡീസംബന്ധമായ തകരാറുകള് ഇല്ലെന്ന് ഉറപ്പാക്കാന്സമഗ്രമായ ഒരു ശാരീരിക പരിശോധന നടത്തുകയും ചെയ്യും. സ്കൂളിലും വീട്ടിലുമുള്ള പെരുമാറ്റപരമായ പ്രശ്നങ്ങള് പരിശോധിക്കും.
ക്ലിനിക്കല് സൈക്കോളജിസ്റ്റ് : ക്ലിനിക്കല് സൈക്കോളജിസ്റ്റ് കുട്ടിയുടെ ബുദ്ധിശക്തി സംബന്ധിച്ച പ്രവര്ത്ത്നങ്ങള് സാധാരണ നിലയിലാണോ എന്ന് നിശ്ചയിക്കുന്നതിനായി (വെസ്ലര് ഇന്റലിജന്സ്! സ്കെയില് ഫോര് ചില്ഡ്രന് പോലുള്ള) സവിശേഷമായ ബുദ്ധിശക്തി പരിശോധനകള് നടത്തും.ഇതുവഴി കുട്ടിയുടെ ബുദ്ധിയുടെ പ്രവര്ത്തനം സാധാരണ നിലയിലാണെന്ന ഉറപ്പാക്കാം. ഇതുവഴി അക്കാദമിക് പഠനത്തെ ബാധിക്കാവുന്ന ബുദ്ധിപരമായ വളര്ച്ചാക്കുറവ്,
ബോര്ഡര് ലൈന് മെന്റല് ഡിസബിലിറ്റി തുടങ്ങിയ കാര്യങ്ങള് ഇല്ലെന്ന് ഉറപ്പാക്കാം.
കൗണ്സിലര് : കൗണ്സിലര് കുട്ടിയുടെ പെരുമാറ്റം മനസിലാക്കാന് സഹായിക്കുകയും എന്തെങ്കിലും പെരുമാറ്റപരമായ പ്രശ്നങ്ങള് ഉണ്ടോയെന്ന് പരിശോധിക്കുകയും ചെയ്യും. അതുപോലെ തന്നെ സ്കൂളിലെ അല്ലെങ്കില് വീട്ടിലെ മോശം സാഹചര്യം മൂലം ഉണ്ടായിട്ടുള്ള എന്തെങ്കിലും പ്രശ്നം നിലനില്ക്കുന്നുണ്ടോ, അല്ലെങ്കില് എന്തെങ്കിലും വൈകാരിക പ്രശ്നങ്ങള് ഉണ്ടോയെന്നും പരിശോധിക്കും. ഇവയൊക്കെ കുട്ടിയുടെ സ്കൂളിലെ പഠനപരമായ പ്രകടനത്തെ ബാധിക്കുന്ന കാര്യങ്ങളായേക്കാം.
സ്പെഷ്യല് എജ്യൂക്കേറ്റര് : കണക്ക്, വായന, സ്പെല്ലിംഗ്, എഴുത്തുഭാഷ തുടങ്ങിയ മേഖലകളിലുള്ള കുട്ടിയുടെ പ്രകടനം അളക്കുന്നതിനായി സ്പെഷല് എഡ്യൂക്കേറ്റര് പൊതുവില് സ്വീകാര്യമായിട്ടുള്ള വിവിധ സ്റ്റാന്ഡേ ര്ഡ് എഡ്യൂക്കേഷന് ടെസ്റ്റുകള് നടത്തി കുട്ടിയുടെ മൊത്തത്തിലുള്ള പഠനപരമായ നേട്ടങ്ങള് വിലയിരുത്തും. പഠനപരമായ നേട്ടങ്ങള് കുട്ടിയുടെ പ്രായത്തേക്കാള് അല്ലെങ്കില് യഥാര്ത്ഥ സ്കൂള് ഗ്രേഡിനേക്കാള് രണ്ടുവര്ഷം താഴെയായുള്ളതാണെങ്കില് അത് കുട്ടിക്ക് പ്രത്യേകമായ ഒരു പഠനവൈകല്യം ഉണ്ടെന്ന് സൂചിപ്പിക്കുന്നു.
പീഡിയാട്രീഷ്യന് : പഠനവൈകല്യം വളരെ നേരത്തേ കണ്ടെത്താന് പീഡിയാട്രീഷ്യന് കഴിയും. പീഡിയാട്രീഷ്യന് കുട്ടിയുടെ സ്കൂളിലെ പ്രകടനം സംബന്ധിച്ച് ചോദിച്ചറിയുകയും കുട്ടിക്ക് ഏതെങ്കിലും തരത്തിലുള്ള പഠന വൈകല്യം ഉണ്ടെന്ന് സംശയിക്കുന്നുണ്ടെങ്കില് അവന്റെ/ അവളുടെ മാനസികവിദ്യാഭ്യാസപരമായ വിലയിരുത്തല് നടത്താന് മാര്ഗ നിര്ദ്ദേശം നല്കുകയും വേണം.
പീഡിയാട്രീഷ്യന് മാതാപിതാക്കളേയും ക്ലാസ് ടീച്ചറേയും കുട്ടിയുടെ പ്രശ്നപരിഹാരത്തിനായുള്ള റെമഡിയല് എഡ്യൂക്കേഷന്റെ പ്രയോജനത്തെക്കുറിച്ച് പറഞ്ഞു ബോധ്യപ്പെടുത്താനുമാകും.
ശിശു മനോരോഗവിദഗ്ധന് : ഇദ്ദേഹം കുട്ടിയില് എഡിഎച്ച്ഡിയുടെ ലക്ഷണങ്ങള് ഉണ്ടോയെന്ന് പരിശോധിക്കും, കാരണം അത് ഏതുതരത്തിലുള്ള പഠനവൈകല്യത്തിനൊപ്പവും ഉണ്ടായേക്കാം. അതുപോലെ തന്നെ പഠനപ്രവര്ത്തനങ്ങള് മോശമാകുന്നതിന് കാരണമായേക്കാവുന്ന മറ്റെന്തെങ്കിലും തകരാറുകള് കുട്ടിക്ക് ഉണ്ടോയെന്നും ശിശു മനോരോഗവിദഗ്ധന് (ചൈല്ഡ് സൈക്യാട്രിസ്റ്റ്) പരിശോധിക്കും.
ഒക്കുപേഷണല് തെറാപ്പിസ്റ്റ് : കുട്ടിയുടെ നില്പ്പിലും ഇരിപ്പിലും മറ്റും കാണപ്പെടുന്ന ബുദ്ധിമുട്ട്, ചലനം, ചലനവും കാഴ്ചയും തമ്മിലുള്ള ബന്ധം, കൈയ്യക്ഷരം എന്നിവ സംബന്ധിച്ച പ്രശ്നങ്ങള് പരിഹരിക്കുന്നതിനുള്ള ഇടപെടല് നടത്തും.